سالانە ل پارێزگەها دهوکێ نیزیکی 188 ئافرەت توشی پەنچەشێرا مەمکی دبن

پەنچەشێرا مەمکی بەرنیاس ترین جورێ پەنچەشێرا یە ل دەف ئافرەتا ، سالانە ل پارێزگەها دهوکێ نیزیکی 188 ئافرەت توشی ڤێ پەنچەشێرێ دبن ، ئەگەرێ سەرەکی ێی ڤێ نەخوشیێ هەتا نوکە دیار نینە ، رامانا ڤێ چەندێ ئەوە دبیت رۆژەکێ توشی ڤێ نەخوشیێ ببین

ژبەر ڤێ چەندێ دڤێت رێکێن خو پاراستنێ بزانین ، ئەوژی
دیرکەڤتن ژ قەلەویێ .
دیفچوونا سیستەمەکێ خوارنا ساخلەم .
رێڤەچوون بو ماوێ 30 خولەکا د ماوێ 5 رۆژان ژ حەفتیێ .
خو دیرکرن ژ ڤەخوارنا کحولی و کێشانا جگارا .
شیردانا سروشتی بو زاروکی .
نە خوارنا دەرمانێن هورمونی پشتی ژیێ بێ هیڤیبونی بێ دەستیریا نوژداری .
گرنگترین خال بو ئاشکراکرنا پەنچە شێرا مەمکی ب زیترین دەم ئەوە پشکنینا زڤروکا مەمکی یا هەیڤانە بهێتە کرن ئەوژی ب ڤان رێکان
پشکنینا نوژداری یان تەختی (نوژدار پشکنینا مەمکێ ئافرەتێ دکەت) کو دڤێت پشتی ژیێ 20 سالی بهێتە کرن 
پشکنینا ب رێیا ئامیرێ mammogram (کو ئەوژی تیشکەکا تایبەتە بو مەمکان دهێتە دان، داکو هەر وەرەمەک بهێتە دیتن) کو دڤێت پشتی ژیێ 40 سالی بهێتە کرن
پشکنینا خویی بو مەمکان(ئافرەت بخو هەر هەیڤێ جارەکێ ڤێ پشکنینێ ئەنجام بدەت)
دڤێت بزانین 96% ژ ئافرەتان ئەوێن توشی ڤێ پەنچەشێرێ دبن و ل قوناغ دەستپێکێ بزانن ژ ڤێ ئیشێ قورتال دبن ب تمامی د ماوێ 5 سالان دا ل دیف خالێن مە دیار کری